శ్రీ సత్యసాయి జిల్లా కదిరి నియోజకవర్గంలో మాజీ మంత్రి, స్వర్గీయ పరిటాల రవీంద్ర గారి 21వ వర్ధంతి వేడుకలను శనివారం అత్యంత భక్తిశ్రద్ధలతో నిర్వహించారు. ఈ సందర్భంగా కదిరి ఎమ్మెల్యే కార్యాలయంలో ఏర్పాటు చేసిన పరిటాల రవీంద్ర చిత్రపటానికి నియోజకవర్గ ఎమ్మెల్యే గౌరవనీయులు శ్రీ కందికుంట వెంకట ప్రసాద్ గారు పూలమాలలు వేసి ఘనంగా నివాళులు అర్పించారు. పేదల పక్షపాతిగా పరిటాల రవీంద్ర గారు చేసిన సేవలను ఈ సందర్భంగా వారు స్మరించుకున్నారు.
ఈ కార్యక్రమంలో ఎమ్మెల్యే గారితో పాటు తెలుగుదేశం పార్టీ కుటుంబ సభ్యులు, ముఖ్య నాయకులు మరియు కార్యకర్తలు భారీ సంఖ్యలో పాల్గొన్నారు. పరిటాల రవీంద్ర గారు తెలుగుదేశం పార్టీ బలోపేతానికి మరియు బడుగు బలహీన వర్గాల అభ్యున్నతికి చేసిన కృషి మరువలేనిదని కందికుంట వెంకట ప్రసాద్ గారు కొనియాడారు. ఆయన ఆశయ సాధన కోసం ప్రతి కార్యకర్త పునరంకితం కావాలని ఈ సందర్భంగా పిలుపునిచ్చారు.
నియోజకవర్గ వ్యాప్తంగా ఉన్న టీడీపీ శ్రేణులు కూడా ఈ వర్ధంతి కార్యక్రమంలో పాల్గొని రవీంద్ర అన్నకు నివాళులర్పించారు. పరిటాల రవీంద్ర గారు కేవలం ఒక నాయకుడే కాకుండా, లక్షలాది మందికి స్ఫూర్తిప్రదాత అని నాయకులు ప్రసంగించారు. కార్యాలయం అంతా “పరిటాల రవీంద్ర అమర్ రహే” అనే నినాదాలతో మార్మోగింది, ఈ కార్యక్రమం ద్వారా పార్టీ శ్రేణుల్లో కొత్త ఉత్తేజం నింపారు.
