ఐకాన్ స్టార్ అల్లు అర్జున్ తన ముద్దుల కుమార్తె అల్లు అర్హ 9వ పుట్టినరోజు సందర్భంగా శుక్రవారం సోషల్ మీడియాలో తన ప్రేమను కురిపిస్తూ ఓ ప్రత్యేక పోస్ట్ చేశారు. అల్లు అర్జున్, అర్హ ఇద్దరూ సంప్రదాయ దుస్తుల్లో ఒకరినొకరు చూసుకుంటూ నవ్వుతున్న క్యూట్ ఫోటోను ఆయన తన ఇన్స్టాగ్రామ్లో పంచుకున్నారు. “నా లిటిల్ ప్రిన్సెస్ అల్లు అర్హకు పుట్టినరోజు శుభాకాంక్షలు” అంటూ హృద్యమైన క్యాప్షన్ జోడించారు. ఈ తండ్రీకూతుళ్ల మనోహరమైన ఫోటో ప్రస్తుతం నెట్టింట వైరల్గా మారింది.
2011లో అల్లు అర్జున్, స్నేహారెడ్డి వివాహం జరిగింది. వీరికి కుమారుడు అయాన్ (2014), కుమార్తె అర్హ (2016) ఉన్నారు. అర్హ ఇప్పటికే గుణశేఖర్ దర్శకత్వంలో వచ్చిన ‘శాకుంతలం’ చిత్రంలో భరతుడి పాత్రలో బాలనటిగా నటించి వెండితెర అరంగేట్రం చేసింది. చిన్న వయసులోనే తన నటనతో మంచి గుర్తింపు తెచ్చుకుంది. అల్లు కుటుంబంలో ఇటీవల ఆయన సోదరుడు అల్లు శిరీష్ నిశ్చితార్థం జరగడంతో వేడుకలు కూడా సందడిగా జరిగాయి.
ఇక అల్లు అర్జున్ కెరీర్ విషయానికొస్తే, ఆయన ఇటీవల ‘పుష్ప 2: ది రూల్’ చిత్రంతో భారీ విజయాన్ని అందుకున్నారు. ప్రస్తుతం ఆయన తమిళ దర్శకుడు అట్లీ దర్శకత్వంలో రూపొందనున్న తన తదుపరి సినిమా (AA22xA6) కోసం సిద్ధమవుతున్నారు. ఈ సినిమా భారీ బడ్జెట్తో పాన్-ఇండియా స్థాయిలో సైన్స్-ఫిక్షన్ యాక్షన్ చిత్రంగా తెరకెక్కేందుకు ప్రణాళికలు జరుగుతున్నాయి.
