టాలీవుడ్లో హీరోయిన్గా రాణించాలంటే అందంతో పాటు అదృష్టం కూడా ఉండాలంటారు. ఆ అదృష్టం ఇప్పుడు తెలంగాణ బ్యూటీ మానస వారణాసికి పుష్కలంగా ఉన్నట్లు కనిపిస్తోంది. వాలెంటైన్స్ డే సందర్భంగా విడుదలైన ‘కపుల్ ఫ్రెండ్లీ’ సినిమా మంచి విజయాన్ని అందుకోవడంతో ఈ భామ ఒక్కసారిగా వెలుగులోకి వచ్చింది. సంతోష్ శోభన్ సరసన నటించిన ఈ చిత్రంలో మానస నటనకు మరియు గ్లామర్కు యూత్ ఫిదా అవుతున్నారు.
ఈ సినిమా సక్సెస్తో మానస వారణాసికి టాలీవుడ్లో వరుస అవకాశాలు క్యూ కడుతున్నాయి. కేవలం అందాల పోటీల విజేతగానే కాకుండా, నటిగా కూడా తనను తాను నిరూపించుకోవడంతో యంగ్ హీరోలు మరియు పెద్ద నిర్మాణ సంస్థలు ఆమె వైపు మొగ్గు చూపుతున్నారు. ముఖ్యంగా యూవీ క్రియేషన్స్ వంటి పెద్ద బ్యానర్లలో ఆమెకు మరిన్ని అవకాశాలు వచ్చే అవకాశం ఉందని ఇండస్ట్రీ టాక్. ప్రస్తుతానికి టాలీవుడ్లో సరైన హీరోయిన్ల కొరత ఉన్న సమయంలో మానస ఎంట్రీ ఇవ్వడం ఆమె కెరీర్కు ప్లస్ పాయింట్గా మారింది.
మానస వారణాసి కేవలం తెలుగుకే పరిమితం కాకుండా, తమిళంలో కూడా తన అదృష్టాన్ని పరీక్షించుకుంటోంది. ‘కపుల్ ఫ్రెండ్లీ’ చిత్రం తమిళంలో కూడా విడుదల కావడంతో అక్కడ కూడా ఆమెకు గుర్తింపు లభిస్తోంది. తాజా సమాచారం ప్రకారం, ఈ జోడీ (సంతోష్ శోభన్ – మానస) మళ్లీ వచ్చే ఏడాది వాలెంటైన్స్ డేకి మరో క్రేజీ ప్రాజెక్టుతో ముందుకు రాబోతున్నట్లు తెలుస్తోంది. మొత్తానికి మిస్ ఇండియా కిరీటం కంటే ‘కపుల్ ఫ్రెండ్లీ’ హిట్టే ఆమెకు ఎక్కువ క్రేజ్ తెచ్చిపెట్టింది.
