తెలంగాణలోని కీలక ప్రభుత్వ కార్యాలయాలకు బాంబు బెదిరింపులు రావడం కలకలం సృష్టించింది. లోక్ భవన్ (ముఖ్యమంత్రి కార్యాలయం) తో పాటు గవర్నర్ నివాసం (రాజ్భవన్) కూడా ఈ బెదిరింపులకు గురైంది. ఈ బెదిరింపులను ఈ-మెయిల్ ద్వారా పంపినట్లు తెలిసింది. దీంతో గవర్నర్ కార్యాలయ సిబ్బంది వెంటనే పంజాగుట్ట పోలీసులకు ఫిర్యాదు చేశారు.
ఈ ఫిర్యాదు అందిన వెంటనే పోలీసులు అప్రమత్తమై, బాంబ్ స్క్వాడ్తో కలిసి గవర్నర్ మరియు ముఖ్యమంత్రి కార్యాలయాల్లో తనిఖీలు నిర్వహించారు. పోలీసులు ఈ బెదిరింపు ఈ-మెయిల్ ఎక్కడి నుంచి వచ్చిందనే దానిపై కూలంకషంగా ఆరా తీస్తున్నారు.
పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు. ప్రాథమికంగా కొందరు ఆకతాయిల పనిగా కొట్టిపారేసినప్పటికీ, కావాలనే ఇలా ఎవరు చేశారనే కోణంలో లోతుగా విచారణ చేస్తున్నారు.
