సిద్దిపేట జిల్లా మిరుదొడ్డి మండలం అందె గ్రామంలో ఒక కోళ్ల రైతుకు భారీ నష్టం వాటిల్లింది. గ్రామానికి చెందిన రంగనబోయిన కుమార్ అనే రైతు తన ఫారంలో సుమారు నెల రోజుల వయసున్న కోళ్లను పెంచుతున్నారు. అయితే, గత రెండు రోజులుగా కోళ్లకు అంతుచిక్కని వ్యాధి సోకడంతో ఒక్కొక్కటిగా మృత్యువాత పడ్డాయి. సోమవారం ప్రారంభమైన ఈ మరణాల పరంపర మంగళవారం నాటికి తీవ్రమై, సుమారు 8,400 కోళ్లు చనిపోవడంతో స్థానికంగా ఆందోళన నెలకొంది.
సరిగ్గా కోళ్లు చేతికొచ్చే దశలో, అంటే అమ్మకానికి సిద్ధంగా ఉన్న తరుణంలో ఈ విపత్తు సంభవించింది. కోళ్లు అకస్మాత్తుగా కొట్టుకుంటూ చనిపోవడం వెనుక ఏదో ప్రమాదకరమైన వైరస్ ఉండే అవకాశం ఉందని అనుమానిస్తున్నారు. ఈ ఘటనతో రైతు కుమార్కు సుమారు రూ. 20 లక్షల వరకు నష్టం వాటిల్లింది. అప్పులు తెచ్చి ఫారం నిర్వహిస్తున్న తనకు ఇప్పుడు ఇంత పెద్ద దెబ్బ తగలడంతో ఏం చేయాలో దిక్కుతోచని స్థితిలో ఆ రైతు కన్నీటి పర్యంతమవుతున్నారు.
తీవ్ర నష్టంతో కుదేలైన తమ కుటుంబాన్ని ప్రభుత్వం తక్షణమే ఆదుకోవాలని కుమార్ వేడుకుంటున్నారు. పశుసంవర్ధక శాఖ అధికారులు వెంటనే అందె గ్రామానికి చేరుకుని, కోళ్ల మరణాలకు గల అసలు కారణాలను విశ్లేషించాలని స్థానికులు కోరుతున్నారు. ఈ వ్యాధి ఇతర కోళ్ల ఫార
