బాలీవుడ్ స్టార్ హీరో హృతిక్ రోషన్ గురించి ప్రత్యేకంగా పరిచయం అక్కర్లేదు. హృతిక్ రోషన్ బాలీవుడ్ హీరో అయినప్పటికీ టాలీవుడ్ ప్రేక్షకులకు కూడా సుపరిచితమే. బాలీవుడ్ లో ఎన్నో సూపర్ హిట్ సినిమాలలో నటించి స్టార్ హీరోగా తనకంటూ వృత్తికమైన గుర్తింపును ఏర్పరచుకున్నాడుహృతిక్ రోషన్. కేవలం సినిమాలలో నటించడం మాత్రమే కాకుండా పలు కమర్షియల్ యాడ్స్ లో కూడా నటిస్తూ రెండు చేతుల సంపాదిస్తున్నాడు. ఇకపోతే హృతిక్ రోషన్ ఫిట్నెస్ విషయంలో ఎంత జాగ్రత్తగా ఉంటాడో మనందరికీ తెలిసిందే. మరి ముఖ్యంగా తన సిక్స్ ప్యాక్ విషయంలో ఎప్పటికప్పుడు జిమ్ లో కసరత్తులు చేస్తూ బాగానే కష్టపడుతూ ఉంటాడు హృతిక్ రోషన్. ఇది ఇలా ఉంటే తాజాగా న్యూ ఇయర్ సందర్భంగా తాజాగా తన ట్విట్టర్ ఖాతాలో 8 ప్యాక్ తో ఉన్న ఫోటోని షేర్ చేశాడు.
అందుకు సంబంధించిన ఫోటో ని షేర్ చేస్తూ.. ఆల్ రైట్ ఇక ముందుకు వెళ్దాం.#2023 అనే క్యాప్షన్ ని కూడా జోడించాడు. ప్రస్తుతం హృతిక్ రోషన్ సంబంధించిన ఫోటో సోషల్ మీడియాలో తెగ వైరల్ అవుతోంది. ఆ ఫోటోని చూసిన అభిమానులు కామెంట్ల వర్షం కురిపిస్తున్నారు. 48 ఏళ్ల వయసులో ఎయిట్ ప్యాక్ బాడీతో కనిపించడమేంటని షాక్ అవుతున్నారు. చిన్నప్పటి నుంచి చూస్తున్నా సేమ్‌ బాడీ.. ఏం మారలేదు. దమ్ముంటే మాలా పొట్ట పెంచు అంటూ కొంచెం వెరైటీగా సవాల్‌ విసురుతున్నారు నెటిజన్స్. ఆ ఫోటోని చూసిన అమ్మాయిలు ఏమున్నాడ్రా బాబూ అంటూ ఫోటోలు సేవ్‌ చేసుకుంటున్నారు. ఇక హృతిక్ రోషన్ అభిమానులు అయితే అందుకు సంబంధించిన ఫోటోలని సోషల్ మీడియాలో తెగ వైరల్ చేస్తున్నారు. ఇంకొందరు మీ డెడికేషన్‌ మాకు సాధ్యం కాదులేనని మరికొందరు కామెంట్లు చేస్తున్నారు. మొత్తానికి హృతిక్ రోషన్ తన ఎయిట్ ప్యాక్ బాడీతో అభిమానులను ఆశ్చర్యపరచడం మాత్రమే కాకుండా అమ్మాయిలను యూత్ ని మరింత ఆకట్టుకుంటున్నాడు.
