సాధారణంగా చాలామంది గుడ్లు పాలు కలిపి తీసుకుంటూ ఉంటారు. ఇలా తీసుకుంటే చాలా మంచిదని శరీరానికి ఎన్నో రకాల ప్రయోజనాలు ఉన్నాయని వాటిని తీసుకుంటూ ఉంటారు.
అయితే కొంతమంది పచ్చి గుడ్డు పాలు తీసుకుంటే మరికొందరు ఉడకబెట్టిన గుడ్డు పాలు తీసుకుంటూ ఉంటారు. గుడ్ల వల్ల ఎన్నో రకాల ప్రయోజనాలు ఉన్నాయి అన్న విషయం తెలిసిందే. అలాగే పాల వల్ల కూడా ఎన్నో ప్రయోజనాలు ఉన్నాయి. మరోవైపు, పచ్చి గుడ్లు, పచ్చి పాలు ఈ రెండు అధిక మొత్తంలో ప్రోటీన్‌ను కలిగి ఉంటాయి. వీటిని శరీరం తగినంతగా నిర్వహించదు.
ఇది జీర్ణ సమస్యలను కలిగిస్తుంది. కొవ్వు పేరుకుపోవడాన్ని పెంచుతుంది. మరి పాలు, గుడ్లు కలిపి తీసుకోవచ్చా? అన్న విషయానికి వస్తే.. రెండు రకాల ప్రొటీన్ లను ఒకేసారి తీసుకోవడం వల్ల జీర్ణక్రియ పై ప్రభావం చూపుతుంది. ఉబ్బరం, అసౌకర్యం, కడుపు నొప్పి, విరేచనాలు కూడా వస్తాయి. చాలా మంది బాడీ బిల్డర్లు కండరాలను అభివృద్ధి చేయడానికి, శరీరంలో ప్రోటీన్ స్థాయిలను మెరుగుపరచడానికి పాలలో నాలుగు నుండి ఐదు పచ్చి గుడ్లను తీసుకుంటారు. అయితే అలా చేయడం ప్రమాదకరం. ఎందుకంటే గుడ్లలో కొలెస్ట్రాల్ పుష్కలంగా ఉంటుంది. గుండె సంబంధిత దుష్ప్రభావాలు ఉంటాయి.
ఇది కండరాల బలానికి ప్రయోజనకరమని కొందరు వాదించగా, మరికొందరు అరుదైన పరిస్థితుల్లో అజీర్ణం చర్మ వ్యాధులు కూడా వస్తాయి. అలాగే గుడ్లు, పాలు ఒకే విధమైన పోషక విలువలను కలిగి ఉంటాయి, వాటిని ఆరోగ్యకరమైన కాంబినేషన్ గా చేస్తాయి. గుడ్లలో అమైనో ఆమ్లాలు పుష్కలంగా ఉంటాయి. చాలా ప్రయోజనకరమైన కొవ్వులు ఉంటాయి. మరోవైపు, పాలలో కాల్షియం మరియు ప్రోటీన్లు అధికంగా ఉంటాయి, ఈ రెండూ శరీర ఆరోగ్యానికి ముఖ్యమైనవి. గుడ్లు, పాలలో ప్రోటీన్, ఉప్పు, ఫోలేట్, సెలీనియం, కాల్షియం పుష్కలంగా లభిస్తాయి. మీరు గుడ్లు , పాలు రెండింటినీ రోజూ తీసుకోవచ్చు. ఎందుకంటే అవి ఆరోగ్యకరమైన కలయిక. అయితే గుడ్లను బాగా ఉడికించాలి లేదా పాలను కూడా తక్కువ మంట మీద బాగా ఉడికించాలి. పచ్చి గుడ్లను పాలతో కలిపి తీసుకోవడం వల్ల మీ శరీరంలో హానికరమైన కొలెస్ట్రాల్ ఉత్పత్తిని పెంచుతుంది. ఇది మీ శరీరంలో ఫుడ్ పాయిజనింగ్, బాక్టీరియల్ ఇన్ఫెక్షన్లు బయోటిన్ లోపం వంటి ఇతర సమస్యలను కూడా కలిగిస్తుంది. బ్యాక్టీరియా వ్యాప్తి చెందే ప్రమాదం గుడ్డు బాగా ఉడకకపోతే పాలతో కలిపి తినకూడదు. నిజానికి పచ్చి గుడ్లలో సాల్మొనెల్లా అనే బ్యాక్టీరియా ఉంటుంది. అటువంటి పరిస్థితిలో, మీరు పచ్చి గుడ్డును పాలతో తీసుకుంటే, అది శరీరం అంతటా వ్యాపించే ప్రమాదాన్ని మరింత పెంచుతుంది.
