సినిమా పైరసీ వెబ్సైట్ ఐబొమ్మ నిర్వాహకుడు ఇమ్మడి రవి, పోలీసుల విచారణకు ఏమాత్రం సహకరించడం లేదు. కస్టడీలోకి తీసుకుని మూడో రోజు విచారణ చేస్తున్నా, తన వెబ్సైట్కు సంబంధించిన యూజర్ ఐడీ మరియు పాస్వర్డ్లు అడిగితే, ‘గుర్తులేదు.. మర్చిపోయా’ అంటూ పోలీసులను పదేపదే తప్పిస్తున్నాడు. అతని బ్యాంకు లావాదేవీలపై ఆరా తీసినా సరైన సమాధానం ఇవ్వకుండా పక్కకు తప్పుకుంటున్నట్లు సమాచారం. దీంతో పోలీసులు పలు బ్యాంకులకు రవి ఖాతాల జాబితాను తమకు తెలియజేయాలని కోరారు.
రవి ప్రయాణించిన విదేశీ పర్యటనల వివరాలపై ఆరా తీయగా, ప్రతి ఇరవై రోజులకు ఒక దేశంలో పర్యటించడం తన హాబీ అని, పర్యటనలు చేయడం అంటే తనకు ఇష్టమని, అంతకు మించి మరేమీ లేదని పోలీసులకు సమాధానమిచ్చాడు. అయితే, రవి సహకరించక పోవడంతో, పోలీసులు అతని హార్డ్ డిస్క్లు మరియు పెన్ డ్రైవ్లను తెరవడానికి ఎథికల్ హ్యాకర్ల సాయం తీసుకోవాలని నిర్ణయించుకున్నారు. విచారణలో భాగంగా, ఐబొమ్మ యొక్క మెయిన్ సర్వర్లు ఫ్రాన్స్ మరియు నెదర్లాండ్స్లలో ఉన్నట్లు పోలీసులు గుర్తించారు.
రవి విచారణకు నిరాకరిస్తున్న నేపథ్యంలో, మరో రెండు రోజుల్లో పోలీసు కస్టడీ ముగియనున్నందున, మరికొన్ని రోజులు కస్టడీకి అనుమతించాలని న్యాయస్థానాన్ని ఆశ్రయించడానికి పోలీసులు సిద్ధమవుతున్నట్లు తెలుస్తోంది. ఇమ్మడి రవి నుంచి కీలక సమాచారం రాబట్టడానికి మరియు పైరసీ వెనుక ఉన్న పూర్తి నెట్వర్క్ను ఛేదించడానికి పోలీసులు ప్రయత్నిస్తున్నారు.
