సూపర్ స్టార్ మహేష్ బాబు ప్రస్తుతం బాధలో ఉన్న సంగతి తెలిసిందే. ఈ ఏడాదిలో జనవరిలో అన్నయ్య రమేష్ బాబు, సెప్టెంబర్ నెలలో తల్లి ఇందిరాదేవి, నవంబర్ నెలలో తండ్రి కృష్ణ మరణాలతో కృంగిపోయాడు. దెబ్బ మీద దెబ్బ అన్నట్టు మహేష్ కి దగ్గర మనుషులు దూరమయ్యారు. ఇటువంటి దురదృష్టకర పరిస్థితులలో ఫ్యాన్స్ కూడా ఇప్పుడు చాలా నిరాశలో ఉండటం తెలిసిందే. పరిస్థితి ఇలా ఉంటే ఎస్.ఎస్ రాజమౌళి సూపర్ స్టార్ మహేష్ బాబుతో సినిమా చేస్తున్న సంగతి తెలిసిందే.
సూపర్ డూపర్ హిట్ కావటంతో ఇప్పుడు జక్కన్న మహేష్ సినిమాకి సంబంధించి అదిరిపోయే అప్డేట్ ఇచ్చారు. ప్రస్తుతం రాజమౌళి ప్రపంచవ్యాప్తంగా పలు అంతర్జాతీయ సినిమా వేడుకలకు హాజరవుతూనే “RRR” నీ ఆస్కార్ నామినేషన్ కి వెళ్ళే రీతిలో ప్రచారాలు చేస్తున్నారు. మరోపక్క మహేష్ సినిమాకి సంబంధించి స్క్రిప్టు పనులు కూడా చూసుకుంటున్నారు. ఇలాంటి తరుణంలో… మహేష్ రాజమౌళి కాంబినేషన్ కి సంబంధించి.. స్టోరీ ఇదేనంటూ రకరకాల ప్రచారాలు బయట జరుగుతున్నాయి.
అయితే ఆ ప్రచారాలు అన్నిటికి చెక్ పెడుతూ… మహేష్ సినిమా స్టోరీ ఎలా ఉండబోతుందో జక్కన్న రీసెంట్ ఇంటర్వ్యూలో తెలియజేశారు. ” హాలీవుడ్ “ఇండియానా జోన్స్” సినిమా టైపులో ఉంటుందని స్పష్టం చేశారు. యాక్షన్ అడ్వెంచర్ గ్లోబట్రాటింగ్ ఫ్రేమ్ తీస్తున్నట్లు క్లారిటీ ఇచ్చారు. ఈ సినిమాకి సంబంధించి స్క్రిప్ట్ తండ్రి విజయేంద్ర ప్రసాద్ రాస్తున్నారని ఇదే క్రమంలో తండ్రితో పాటు కజిన్.. కూడా స్టోరీ డెవలప్మెంట్ చేస్తున్నారని అన్నారు. హాలీవుడ్ ఇండస్ట్రీలో గ్రేట్ డైరెక్టర్ స్టీవెన్ స్పిల్ బర్గ్ దర్శకత్వంలో వచ్చిన ఇండియానా జోన్స్..అనేక రికార్డులు సృష్టించింది. ఇప్పుడు ఆ తరహా లోనే మహేష్ సినిమా ఉంటుందని రాజమౌళి చెప్పటంతో ఈ ప్రాజెక్ట్ పై ఉన్న అంచనాలు మరింత పెరిగాయి. గతంలో టొరంటో అంతర్జాతీయ చలనచిత్రోత్సవంలో పాల్గొన్న టైములో ఇవే వ్యాఖ్యలు చేయడం జరిగింది. ఇప్పుడు మరోసారి “ఇండియానా జోన్స్” సినిమా తరహలా “SSMB 29” ఉంటుందని జక్కన చెప్పడంతో ఈ ప్రాజెక్ట్ పై ఫ్యాన్స్ కి ఓ ఐడియా వచ్చేసింది.A
