పాములు చంపితే కఠిన శిక్షలు తప్పవు – ప్రజలకు గౌరవపూర్వక అవగాహన సందేశం
పాములను హతమార్చడం చట్టవిరుద్ధమని, అలాగే ఇది ప్రకృతి సమతుల్యతకు హానికరమని సీపీఎం పార్టీ నాయకులు ఒక అవగాహన సమావేశంలో ప్రజలకు తెలియజేశారు. ప్రజలందరూ ఈ విషయంలో బాధ్యతాయుతంగా వ్యవహరించాలని వారు విజ్ఞప్తి చేశారు.
వన్యప్రాణుల సంరక్షణ చట్టాల ప్రకారం పాములను చంపితే చట్టపరమైన చర్యలు, జైలు శిక్షతో పాటు జరిమానా కూడా విధించే అవకాశం ఉంటుందని ఈ సందర్భంగా వివరించారు.
ఈ సమావేశంలో సీపీఎం పార్టీ తరఫున సీపీఎం
“పాములను హతమార్చడం మానవత్వానికి విరుద్ధమైన పని మాత్రమే కాదు, చట్టపరంగా కూడా నేరమే. అనవసర భయంతో లేదా అవగాహన లేకుండా పాములను చంపడం తగదు. ఒక ప్రాణాన్ని కాపాడటం మనందరి బాధ్యత.
అలాగే చెట్లను అక్రమంగా నరికివేయడం, కొండ ప్రాంతాలను నాశనం చేయడం, అడవులకు నిప్పు పెట్టడం వంటి చర్యలు అన్నీ చట్టప్రకారం తీవ్రమైన నేరాలు. ఈ విధమైన ప్రకృతి విధ్వంసక చర్యలపై తప్పకుండా కేసులు నమోదు చేసి కఠిన చర్యలు తీసుకుంటారు. ఎవరూ చట్టానికి అతీతులు కారు.
ప్రకృతి మనందరి సామూహిక సంపద. పాములు సహా అన్ని జీవజాతులను, చెట్లు–అడవులు–కొండలను కాపాడుకోవడం ప్రతి పౌరుడి బాధ్యత. ప్రకృతిని రక్షించడమే నిజమైన అభివృద్ధి” అని గౌరవపూర్వకంగా ప్రజలకు అవగాహన కల్పించారు.
అనంతరం నేషనల్ హ్యూమన్ రైట్స్ నేచర్ అండ్ కల్చర్ డెవలప్మెంట్ సొసైటీకి చెందిన స్నేక్ క్యాచర్ ఖాజా పీర్ మాట్లాడుతూ,
“భయంతో పామును చంపకుండా దయచేసి ఎవరూ తాకవద్దు. పాము కనిపించిన వెంటనే మాకు సమాచారం ఇవ్వండి. మా బృందం వచ్చి సురక్షితంగా పామును పట్టుకొని, సహజ నివాస ప్రాంతంలో విడిచిపెడుతుంది. ఒక ప్రాణాన్ని కాపాడటం ఎంతో గొప్ప మానవీయ చర్య” అని ప్రజలకు విజ్ఞప్తి చేశారు.
అలాగే ఈ సమావేశంలో శివయ్య స్వామి మాట్లాడుతూ,
“అవగాహన లోపం మరియు అనవసర భయంతో పాములను హతమార్చడం సరైన విధానం కాదు. ఇది చట్టపరంగా తప్పు కావడమే కాకుండా, సమాజంలో మానవీయ విలువలకు విరుద్ధం కూడా. అందరూ ప్రకృతిని గౌరవిస్తూ జీవ ప్రాణాలను కాపాడే దృక్పథంతో ముందుకు రావాలి” అని సూచించారు.
ఈ విధంగా,
సీపీఎం నరసింహులు – చట్టపరమైన అవగాహనతో,
నేషనల్ నేచర్ కల్చర్ డెవలప్మెంట్ సొసైటీ ఇండియా కౌన్సిల్ మెంబర్స్ షేక్షావలి-
స్నేక్ క్యాచర్ ఖాజా పీర్ – భద్రత మరియు మానవీయ దృక్పథంతో,
శివయ్య స్వామి – సామాజిక విలువల పరంగా
స్నేక్ క్యాచర్ – బాబ్జాన్
ప్రజలను చైతన్యపరిచి, పాములను హతమార్చకుండా సంబంధిత అధికారులకు లేదా శిక్షణ పొందిన స్నేక్ క్యాచర్లకు సమాచారం అందించాలని, చట్టాన్ని గౌరవిస్తూ ప్రకృతిని కాపాడటమే నిజమైన మానవత్వమని ముగ్గురు కలిసి గౌరవపూర్వకంగా విజ్ఞప్తి చేశారు.
