పాన్ ఇండియా బాక్సాఫీస్ వద్ద పుష్ప చిత్రం సృష్టించిన సంచలనం గురించి చెప్పక్కర్లేదు. సౌత్ లోనే కాదు… నార్త్ లోనూ ఈ చిత్రానికి భారీ రెస్పాన్స్ వచ్చింది. దీంతో ఐకాన్ స్టార్ అల్లు అర్జున్.. డైరెక్టర్ సుకుమార్ పేరు పాన్ ఇండియా లెవల్లో మారుమోగింది. ఈ చిత్రాన్ని రెండు భాగాలుగా విభజించారు సుకుమార్. మొదటి భాగాన్ని పుష్ప ది రైజ్ పేరుతో రిలీజ్ చేయగా ఊహించని స్థాయిలో సక్సెస్ అందుకుంది. ఇక ఇప్పుడు సెకండ్ పార్ట్ పుష్ప ది రూల్ కోసం దేశవ్యాప్తంగా ప్రేక్షకులు ఎంతో ఆసక్తిగా ఎదురుచూస్తున్నారు. పుష్ప 2 అప్డేట్స్ కోసం కళ్లలో వత్తులు వేసుకుని మరీ ఎదురుచూస్తున్నారు. అప్డేట్స్ ఇవ్వండి అంటూ సోషల్ మీడియాలో వేడుకుంటున్నారు. ఈ క్రమంలోనే తాజాగా ఈ సినిమా గురించి ఒక అప్డేట్ బయటకు వచ్చింది. ప్రస్తుతం పుష్ప 2 అప్డేట్ గురించి ఫిల్మ్ సర్కిల్లో ఓ ఇంట్రెస్టింగ్ న్యూస్ చక్కర్లు కొడుతుంది.
అల్లు అర్జున్ పుట్టినరోజు ఏప్రిల్ 8న బన్నీ అభిమానులకు ట్రీట్ ఇవ్వాలనుకుంటున్నారట డైరెక్టర్ సుకుమార్. ఈ క్రమంలోనే ఇప్పటివరకు జరిగిన చిత్రీకరణలో నుంచి ఓ మూడు నిమిషాల యాక్షన్ టీజర్ ను సిద్ధం చేస్తున్నారట. ఇప్పటికే టీజర్ కట్ పూర్తయ్యిందని.. బ్యాక్ గ్రౌండ్ స్కోర్ జరుగుతుందని సమాచారం. మరోవైపు దేవీ శ్రీ ప్రసాద్ సంగీతం అందించే పనిలో ఉన్నారని తెలుస్తోంది. బన్నీ బర్త్ డే కానుకగా రిలీజ్ కాబోయే ఈ టీజర్ యాక్షన్ షాట్స్ ఎక్కువగానే ఉండనున్నట్లు టాక్ వినిపిస్తోంది. అలాగే ఈ సినిమా ఫస్ట్ లుక్ పోస్టర్ కూడా రిలీజ్ చేయనున్నారట.
