‘తిరుపతి జైలు నుంచి బుల్లెట్ గాయాలతో తప్పించుకున్న పుష్ప.. ఎక్కడా?’ అంటూ రెండు రోజుల పాటు పుష్ప ‘ది రూల్( Pushpa the Rule)టీం పెట్టిన సస్పెన్స్ అంతా ఇంతా కాదు.
ఆ సస్పెన్స్ కి తెర దించుతూ అదిరిపోయే వీడియోని సోషల్ మీడియా వేదికగా షేర్ చేసింది.
‘పుష్ప రాజ్ ఎక్కడ ఉన్నాడు’ అంటూ మొదలైన ఈ వీడియో ఆద్యంతం ఆకట్టుకుంది. పోలీసులు 10 రౌండ్లు కాల్పులు జరిపాక పుష్పరాజ్ ఎక్కడ తలదాచుకున్నాడో చూపించిన సీన్ అదిరిపోయేలా ఉంది. ‘అడవిలో జంతువులు రెండు అడుగులు వెనక్కి వేశాయంటే అక్కడ పులి ఉందని అర్థం. అదే పులి రెండు అడుగులు వెనక్కి వేసింది అంటే అక్కడ పుష్పరాజ్ ఉన్నాడని అర్థం’ అనే డైలాగ్ తో అల్లు అర్జున్ (Allu Arjun) అదరగొట్టేసాడు. ఈ సీన్ లో బన్నీ లుక్ సరికొత్తగా కనిపించింది. సరికొత్త టెక్నిక్స్ తో స్మగ్లింగ్ చేసి సంపాదించిన డబ్బులు అంతా పేదలకు పంచిపెట్టినట్లు ఈ సినిమాలో చూపించారు.
బన్నీ- సుకుమార్( Sukumar)కాంబినేషన్లో ఎంతో ప్రతిష్టాత్మకంగా ‘పుష్ప ది రూల్ ‘ చిత్రాన్ని తెరకెక్కిస్తున్నారు. రష్మిక మందన్న( Rashmika Mandanna) కథానాయిక. ప్రముఖ నిర్మాణ సంస్థ మైత్రి మూవీ మేకర్స్ దీన్ని నిర్మిస్తోంది. అనసూయ, సునీల్ ఫహాద్ ఫాజిల్ కీలకపాత్రలు పోషిస్తున్నారు. దేవి శ్రీ ప్రసాద్ సంగీతం అందిస్తున్నారు.
