ఒకప్పుడు బాలీవుడ్‌ను ఏలిన నటి రవీనా టాండన్ (Raveena Tandon) గురించి ఆసక్తికర విషయాలు వెలుగులోకి వచ్చాయి. ఈమె 1994లో బాలకృష్ణ నటించిన ‘బంగారు బుల్లోడు’ సినిమాతో పాటు తెలుగులో ‘ఆకాశ’, ‘పాండవులు పాండవులు తుమ్మెద’ వంటి సినిమాల్లో నటించింది. 17 ఏళ్లకే మోడల్‌గా జర్నీ ప్రారంభించిన రవీనా, సల్మాన్ ఖాన్ ‘పత్తర్ కే ఫూల్’తో బాలీవుడ్ ఎంట్రీ ఇచ్చి బ్లాక్ బస్టర్ హిట్లను అందుకుంది. ముఖ్యంగా ‘మొహ్రా’ (1994) సినిమాలోని ‘తూ చీజ్ బడి హై మస్త్ మస్త్’, ‘టిప్ టప్ బర్సా పానీ’ పాటలు రవీనా క్రేజ్‌ని అమాంతం పెంచాయి.
రవీనాకు వ్యక్తిగత జీవితంలో కూడా సంచలనాలెక్కువ. స్టార్ హీరో అక్షయ్ కుమార్‌తో ఎంగేజ్‌మెంట్ చేసుకున్న ఆమె, ఆ బంధాన్ని బ్రేక్ చేసుకుని, తరువాత ఫిల్మ్ డిస్ట్రిబ్యూటర్, బిజినెస్‌మ్యాన్ అయిన అనిల్ తడానీని పెళ్లి చేసుకుంది. వారికి రాషా తడానీ, రణ్‌బీర్ వర్ధన్ అనే ఇద్దరు పిల్లలు ఉన్నారు. సినిమాల విషయానికొస్తే, దాదాపు 20 ఏళ్ల విరామం తర్వాత కన్నడ స్టార్ యష్ ‘కేజీఎఫ్ 2’ చిత్రంలో రమికా సేన్ అనే ప్రైమ్ మినిస్టర్ పాత్ర పోషించి మెప్పించింది. ఈ సినిమా ఆమె కెరీర్‌లోనే అత్యధిక వసూళ్లు సాధించిన సినిమాగా నిలిచింది.
ప్రస్తుతం అమ్మాయిలకు క్రష్‌గా ఉన్న యంగ్ రెబెల్ స్టార్ ప్రభాస్‌కు అప్పట్లో రవీనా టాండన్ అంటే పిచ్చి అని, ఆమెకు ప్రభాస్ క్రష్‌గా ఉండేదని కథనంలో పేర్కొన్నారు. భారతీయ సినిమాకు ఆమె చేసిన సేవలకు గాను 2023లో భారత ప్రభుత్వం పద్మశ్రీ అవార్డుతో రవీనాను సత్కరించింది. బాలీవుడ్‌లో రవీనా అనిల్ కపూర్, గోవిందా, అజయ్ దేవగన్ వంటి స్టార్లతో కలిసి నటించింది.
