వరుస భారీ యాక్షన్ చిత్రాల తర్వాత ప్రభాస్ నటిస్తున్న పూర్తిస్థాయి వినోదాత్మక చిత్రం ‘ది రాజా సాబ్’. సంక్రాంతి కానుకగా జనవరి 9న విడుదల కానున్న ఈ సినిమా ప్రీ-రిలీజ్ ఈవెంట్ ఇటీవలే ఘనంగా జరిగింది. ఈ వేడుకలో ప్రభాస్ వ్యక్తిత్వానికి సంబంధించిన ఒక చిన్న వీడియో ఇప్పుడు సోషల్ మీడియాలో విపరీతంగా వైరల్ అవుతోంది. ఈ చిత్ర దర్శకుడు మారుతి కుమార్తె హియా దాసరి వేదికపై ఉన్న ప్రభాస్ను పలకరించడం, ఆయన ఎంతో ఆత్మీయంగా ఆమెతో మాట్లాడటం నెటిజన్ల మనసు గెలుచుకుంది.
ఈ మధుర క్షణానికి సంబంధించిన వీడియోను హియా తన ఇన్స్టాగ్రామ్లో షేర్ చేస్తూ.. “హీరో గారు.. మీరు నిజంగా చాలా మంచి వ్యక్తిత్వం ఉన్న మనిషి” అంటూ ప్రభాస్పై తనకున్న అభిమానాన్ని చాటుకుంది. ఈ పోస్ట్కు దర్శకుడు మారుతి మరియు హీరోయిన్ నిధి అగర్వాల్ కూడా స్పందించారు. ప్రభాస్ స్టార్డమ్ ఉన్నా తన సింప్లిసిటీని ఎప్పుడూ వీడరని, అందుకే ఆయన అందరి ‘డార్లింగ్’ అయ్యారంటూ అభిమానులు ఈ వీడియోను వైరల్ చేస్తున్నారు.
దాదాపు 15 ఏళ్ల తర్వాత ప్రభాస్ మళ్లీ హారర్-కామెడీ జానర్లో కనిపిస్తుండటంతో ఈ సినిమాపై భారీ అంచనాలు ఉన్నాయి. మారుతి దర్శకత్వంలో రూపొందుతున్న ఈ సినిమాలో నిధి అగర్వాల్, మాళవిక మోహనన్ హీరోయిన్లుగా నటిస్తున్నారు. సంక్రాంతి సీజన్లో ఈ సినిమా ఫ్యామిలీ ఆడియన్స్కు ఫుల్ ఎంటర్టైన్మెంట్ ఇస్తుందని చిత్ర యూనిట్ ధీమాగా ఉంది.
