ప్రభాస్ ‘స్పిరిట్’ నుంచి అవుట్? వదంతులపై ప్రకాశ్‌ రాజ్‌ అదిరిపోయే కౌంటర్!

వదంతులకు చెక్ పెట్టిన ప్రకాశ్‌ రాజ్

రెబల్ స్టార్ ప్రభాస్ హీరోగా, డైనమిక్ డైరెక్టర్ సందీప్ రెడ్డి వంగా దర్శకత్వంలో తెరకెక్కుతున్న ప్రతిష్ఠాత్మక చిత్రం ‘స్పిరిట్’. అయితే, గత కొన్ని రోజులుగా ఈ సినిమా నుంచి సీనియర్ నటుడు ప్రకాశ్‌ రాజ్‌ను తొలగించారంటూ సోషల్ మీడియాలో జోరుగా ప్రచారం సాగుతోంది. దర్శకుడితో విభేదాల కారణంగా ఆయన తప్పుకున్నారని వస్తున్న వార్తలపై ప్రకాశ్‌ రాజ్ తాజాగా ‘ఎక్స్’ (ట్విట్టర్) వేదికగా స్పందిస్తూ ఘాటుగా సమాధానమిచ్చారు.

“నా షూటింగే మొదలు కాలేదు.. ఇవన్నీ ఫేక్ న్యూస్”

ఈ వార్తలను ‘విషపూరితమైన ఫేక్ న్యూస్’గా అభివర్ణించిన ఆయన, అసలు సినిమాలో తన సన్నివేశాల చిత్రీకరణే ఇంకా ప్రారంభం కాలేదని స్పష్టం చేశారు. “వాట్సాప్ ఫ్యాక్టరీలో ఇటువంటి ఊహాజనిత కథనాలు అల్లేవారంతా ఇప్పటికైనా నిద్ర లేచి, మీ జీవితాన్ని మీరు గడపండి” అంటూ సెటైరికల్‌గా కౌంటర్ ఇచ్చారు. తనదైన శైలిలో #JustAsking హ్యాష్‌ట్యాగ్‌ని జోడించి, తాను ఇప్పటికీ సినిమాలో భాగమేనని పరోక్షంగా క్లారిటీ ఇచ్చారు.