ఆపిల్‌ ప్రియులకు `హోలీ` ఆఫర్‌.. డిస్కౌంట్‌పై ఐ-ఫోన్లు.. ఇవీ డిటైల్స్‌!

| హోలీ పండుగ సందర్భంగా ఐ-ఫోన్13తోపాటు పలు ఐ-ఫోన్లపై ఆపిల్ డిస్కౌంట్ ధరలకు మొబైల్ ఫోన్ ప్రియులకు అందుబాటులోకి తెచ్చింది.
I-Phone Discounts | ఆపిల్ ఐ-ఫోన్ కొనుక్కోవాలని ప్రతి ఒక్కరికీ ఉంటుంది. అద్భుతమైన ఫీచర్లతో వినియోగదారులకు అందుబాటులోకి వచ్చే ఐ-ఫోన్ 13.. హోలీ పర్వదనం సందర్భంగా ఆఫర్ ప్రకటించింది. రెండేండ్ల క్రితం 2021లో దేశీయ మార్కెట్‌లో ఆవిష్కరించిన ఈ ఫోన్ రూ.49,099లకే కొనుక్కోవచ్చు. దీని అసలు ధర రూ.79,900. అయితే, ఈ డిస్కౌంట్ ఆఫర్ మార్చి ఆరో తేదీ వరకు ఉంటుంది. ఏ-15 బయోనిక్ చిప్‌, 6.1-అంగుళాల సూపర్ రెటీనా ఎక్స్‌డీఆర్ డిస్‌ప్లే కలిగి ఉంటుంది. ఇతర ఐ-ఫోన్ మోడల్ ఫోన్లపై కూడా ఆపిల్ ఆఫర్లు ప్రకటించింది.

ఇవీ ఐ-ఫోన్లపై డిస్కౌంట్లు.. రాయితీలు..

ఎంపిక చేసిన బ్యాంక్ కార్డులు, యూపీఐ లావాదేవీల్లో బుక్ చేసుకున్న వారు అదనపు క్యాష్‌బ్యాక్ పొందొచ్చు.
ఇప్పటికే వాడిన ఐఫోన్‌-12, ఐఫోన్‌11, ఐఫోన్ ఎక్స్ఆర్ మోడల్ ఫోన్ల ఎక్స్చేంజ్‌తోనూ డిస్కౌంట్ రేట్‌తో ఐ-ఫోన్‌13 కొనుగోలు చేయొచ్చు.
128 జీబీ ఇంటర్నల్ స్టోరేజీ సామర్థ్యం గల ఐ-ఫోన్‌13 నాలుగు వేరియంట్లు- ఓపెన్ బాక్స్‌, సూపర్బ్‌, గుడ్‌, ఫెయిర్ వేరియంట్లలో లభ్యం.
ఫెయిర్ వేరియంట్ రూ.46,699, సూపర్బ్ వేరియంట్ రూ.51,699లకు కొనుగోలు చేయొచ్చు.
యూపీఐ ట్రాన్సాక్షన్లతో బుక్ చేసుకుంటే రూ.3,000 క్యాష్‌బ్యాక్ ఆఫర్‌.
వివిధ బ్యాంకుల డెబిట్/ క్రెడిట్ కార్డులు, నెట్‌బ్యాంకింగ్ ద్వారా మరో రూ.2000 తగ్గింపు.
డిస్కౌంట్‌పై లభించే ఇతర ఐ-ఫోన్ల వివరాలిలా..

ఐ-ఫోన్ 11 అసలు ధర రూ.64,900 కాగా, రూ.27,699లకే లభ్యం.
ఐ-ఫోన్ 12 ధర రూ.79,900 కాగా, రూ.36,699లకే కొనుగోలు చేయొచ్చు.
ఐ-ఫోన్-8 ఫోన్ రూ.64వేలు కాగా, రూ.13,299లకే లభ్యం.
ఐ-ఫోన్ ఎక్స్ఆర్ ఫోన్ అసలు ధర రూ.76,900.. డిస్కౌంట్‌పై రూ.20,499లకు లభ్యం.