శ్రీలంకతో జరగబోయే టెస్టు సిరీస్ కోసం భారత క్రికెట్ జట్టు సన్నద్ధమవుతున్న వేళ గాయాల సమస్య జట్టును కలవరపెడుతోంది. దాదాపు తొమ్మిదేళ్ల తర్వాత శ్రీలంక గడ్డపై టీమిండియా టెస్టు మ్యాచ్ ఆడబోతోంది. 2017లో చివరిసారిగా శ్రీలంకలో టెస్టు సిరీస్ ఆడిన భారత జట్టులో ప్రస్తుతం కేఎల్ రాహుల్, కుల్దీప్ యాదవ్, రవీంద్ర జడేజాలకు మాత్రమే అక్కడ ఆడిన అనుభవం ఉంది.
ఈ సిరీస్కు ముందు శ్రీలంక బోర్డు శుక్రవారం నుంచి ప్రారంభం కానున్న ఏకైక వార్మప్ మ్యాచ్ కోసం తమ బలమైన జట్టును ప్రకటించింది. అయితే కీలక పోరుకు ముందే భారత జట్టుకు భారీ ఎదురుదెబ్బ తగిలింది. స్టార్ పేసర్ జస్ప్రీత్ బుమ్రా గాయం కారణంగా మొత్తం టెస్టు సిరీస్కు దూరమయ్యాడు. అతడి స్థానంలో ఆకిబ్ నబీని జట్టులోకి ఎంపిక చేశారు.
మరోవైపు ఆల్రౌండర్ వాషింగ్టన్ సుందర్ తొడ కండరాల గాయంతో తొలి టెస్టుకు అందుబాటులో ఉండటం లేదు. బుమ్రా లేకపోవడంతో భారత బౌలింగ్ విభాగానికి మహమ్మద్ సిరాజ్ నాయకత్వం వహించనున్నాడు. అతనికి తోడుగా ప్రసిద్ధ్ కృష్ణ, గుర్నూర్ బ్రార్, మానవ్ సుథార్, సారాంశ్ జైన్ బౌలింగ్ బాధ్యతలు నిర్వహించనున్నారు.
