పార్వతీపురం మన్యం జిల్లా : పోలీస్ కృష్ణమూర్తి సేవలు ఎనలేనివని పార్వతీపురం పట్టణ పెద్దలు రగుమండల. సత్యన్నారాయణ, ఇసకల. ఉదయ్ కుమార్ లు పేర్కొన్నారు . శనివారం వారు పార్వతీపురం పట్టణ పోలీస్ స్టేషన్ లోని సిబ్బంది సమక్షంలో కృష్ణ ముర్తిని దుశ్శాలువా కప్పి ఘనంగా సన్మానించారు. ఈ సందర్భంగా వారు మాట్లాడుతూ.. పట్టణ పోలీస్ స్టేషన్ లో వృద్ధుమిత్ర కో ఆర్డినేటర్ గా విధులు నిర్వహిస్తున్న కె. కృష్ణ ముర్తి(హెచ్. సి1273) ప్రతి నెల తన జీతంలో కొంత భాగాన్ని పేదలకు, వృద్ధులకు కేటాయించడమే కాకుండా కరోన వంటి విపత్కర పరిస్థితుల్లో కూడా ఆయన పేద ప్రజాలకు సేవలు అందించారని తెలిపారు. అందుకుగాను ఆయన్ని ఈనాడు దుశ్శాలువ కప్పి సత్కరించటం జరిగిందని తెలిపారు. ఇలాంటి సత్కారాలు, అవార్డులు మరెన్నో పొందాలని ఆకాక్షించారు. నిండు నూరేళ్లు ఆయురారోగ్యాలతో ఉండాలని కోరారు. కార్యక్రమంలో .ట్రాఫిక్ ఎస్సై కె.సీతారాం, ఏ.ఎస్. ఐ సురేష్ కుమార్ , సిబ్బంది తదితరులు పాల్గొన్నారు
