తిరుపతిలోని తాతయ్యగుంట గంగమ్మ జాతర ఘనంగా జరుగుతోంది. భక్తులు వివిధ వేషాల్లో వచ్చి అమ్మవారి మొక్కులు చెల్లించుకుంటున్నారు.
ఇందులో భాగంగా తిరుపతి వైసీపీ ఎంపీ మద్దిల గురుమూర్తి కూడా తన మొక్కు చెల్లించుకున్నారు. మాతంగి వేషంలో భాగంగా ‘పుష్ప-2′( Pushpa-2)లో అల్లు అర్జున్( Allu Arjun)వేషధారణలో కనిపించి సందడి చేశారు. ఆయనతో సెల్ఫీలు తీసుకోవడానికి భక్తులు ఎగబడ్డారు. అమ్మవారి దర్శనం అనంతరం ఎంపీ.. స్థానిక ఎమ్మెల్యే భూమన కరుణాకర్ రెడ్డి ఏర్పాటుచేసిన భక్తి చైతన్య యాత్రలో పాల్గొన్నారు. దీనికి సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి.
ఐకాన్ స్టార్ అల్లు అర్జున్ పుట్టినరోజు సందర్భంగా గత నెలలో ‘పుష్ప-2’ నుంచి ఫస్ట్ లుక్ విడుదల చేసిన విషయం తెలిసిందే. గంగమ్మ వేషధారణలో ఉన్న బన్నీ లుక్ సోషల్ మీడియాలో సందడి చేసింది. పుష్ప సీక్వెల్ ఎక్కువ భాగం తిరుపతి నేపథ్యంలోనే తెరకెక్కినట్లు ఆ ఫస్ట్ లుక్, వీడియో ద్వారా ఈ సినిమా మేకర్స్ చెప్పకనే చెప్పేశారు.
