విద్యార్థులకు సీపీఆర్ శిక్షణ ఇస్తే ఎన్నో ప్రాణాలు కాపాడవచ్చు: ముఖ్యమంత్రి రేవంత్ రెడ్డి పిలుపు
హైదరాబాద్లోని హెచ్ఐసీసీలో నిర్వహించిన ‘ఫెలోస్ ఇండియా’ అంతర్జాతీయ కార్డియాలజీ సదస్సుకు తెలంగాణ ముఖ్యమంత్రి రేవంత్ రెడ్డి ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ, పాఠశాల విద్యార్థులకు వైద్యులు స్వచ్ఛందంగా సీపీఆర్ (CPR) ప్రక్రియపై అవగాహన కల్పించి శిక్షణ ఇస్తే, ఆపద సమయంలో వారు ఎంతోమంది ప్రాణాలను కాపాడే అవకాశం ఉంటుందని ఆశాభావం వ్యక్తం చేశారు. అత్యవసర పరిస్థితుల్లో ప్రాథమిక చికిత్స అందించడంపై అవగాహన పెంచాల్సిన అవసరం ఉందని ఆయన నొక్కి చెప్పారు. తాను వృత్తిరీత్యా…
