టాలీవుడ్ టాలెంటెడ్ యంగ్ హీరో శర్వానంద్ పెళ్లి పీటలు ఎక్కబోతున్నాడు. ఎన్నారై ఫ్యామిలీకి చెందిన అమ్మాయితో శర్వానంద్ పెళ్లి దాదాపుగా ఫిక్స్ అయింది. శర్వా చేసుకోబోతున్న అమ్మాయి తెలంగాణ కు చెందిన రెడ్డి సామాజిక వర్గం కుటుంబం అమ్మాయి అని సమాచారం అందుతుంది. చాలా కాలంగా అమ్మాయి అమెరికా లో ఉంటున్నారట, అక్కడ చదువు పూర్తి చేసి ప్రస్తుతం అక్కడే ఒక ప్రముఖ సాఫ్ట్వేర్ కంపెనీలో ఆమె జాబ్ చేస్తున్నట్లుగా ఫిలిం నగర్ టాక్. ప్రస్తుతం అమెరికా కంపెనీలో జాబ్ చేస్తున్నప్పటికీ వర్క్ ఫ్రం హోం కారణంగా హైదరాబాదులోనే ఆమె ఉంటున్నారని తెలుస్తోంది. ఒక పార్టీ సందర్భంగా శర్వానంద్ కి ఆ అమ్మాయితో పరిచయం ఏర్పడిందని తెలుస్తోంది.
గత నాలుగు ఐదు సంవత్సరాలుగా శర్వానంద్ పెళ్లి కోసం ఆయన కుటుంబ సభ్యులతో పాటు అభిమానులు ఎంతో ఆసక్తిగా ఎదురు చూస్తున్నారు. ఎట్టకేలకు శర్వానంద్ పెళ్లి ఫిక్స్ అయింది. ఇదే సంవత్సరం శర్వానంద్ పెళ్లి ఉంటుందని తెలుస్తోంది. పెళ్లికి సంబంధించి ఇప్పటి వరకు అధికారికంగా ఎలాంటి ప్రకటన రాలేదు. కానీ శర్వానంద్ సన్నిహితులు ఈ విషయాన్ని మీడియా ముందు ఆఫ్ ది రికార్డ్ క్లారిటీ ఇచ్చేశారు. ఇటీవల ఒక టాక్ షోలో ప్రభాస్ పెళ్లి తర్వాత తాను పెళ్లి చేసుకుంటానంటూ చెప్పిన శర్వానంద్.. ఇంతలోనే ప్రభాస్ పెళ్లికి ముందే పెళ్లి చేసుకోవడానికి రెడీ అవ్వడం అందర్నీ ఆశ్చర్యపర్చుతోంది.
