ఎన్నో సినిమాల్లో తన విలక్షణమైన నటనతో ఎంతోమంది అభిమానులను సంపాదించుకున్నారు కైకాల సత్యనారాయణ. ఈయన పౌరాణిక పాత్రలకు పెట్టింది పేరుగా ఉండేవారు. అలాగే హీరోగా ఇండస్ట్రీలోకి ఎంట్రీ ఇచ్చి ఆ తర్వాత విలన్ పాత్రల్లో నటించారు. అంతేకాకుండా కొన్ని కొన్ని సినిమాల్లో క్యారెక్టర్ ఆర్టిస్ట్ గా.. కమెడియన్ గా కూడా చేశారు.అలాగే ఈయనను యమధర్మరాజు వేషం వేస్తే చూసిన వాళ్ళు చాలామంది యమధర్మరాజు అంటే ఇలాగే ఉండేవారేమో అని అనుకునేవారు. అలాంటి కైకాల సత్యనారాయణ (Kaikala Sathyanarayana) గారు శుక్రవారం రోజు తెల్లవారుజామున ఈ లోకాన్ని విడిచిపెట్టి వెళ్లారు.
ఇక ఆయన అనారోగ్య పరిస్థితుల దృష్ట్యా వృద్ధాప్యం మీద పడడంతో ఈరోజు తెల్లవారుజామున మరణించారు. అయితే ఈయన ఆరోగ్య పరిస్థితి గత సంవత్సరం నుండే క్షీణించింది. ఇక ఈరోజు ఈయన మరణ వార్త వినగానే సినీ ఇండస్ట్రీ ఒక్కసారిగా శోకసంద్రంలో మునిగిపోయింది. ఈ మధ్యనే మరణించిన సూపర్ స్టార్ కృష్ణ మరణం మరవకముందే మళ్లీ సినీ ఇండస్ట్రీలో మరొక లెజెండరీ నటుడి మరణం ప్రతి ఒక్కరిని కలిచి వేస్తుంది. ఇక ఈయన మరణానికి ఇప్పటికే ఎంతో మంది రాజకీయ ప్రముఖులు,సినీ ప్రముఖులు సంతాపం ప్రకటించారు. ఇక తాజాగా ఈయన చివరి కోరిక తీరకుండానే మరణించారు అంటూ సోషల్ మీడియాలో ఒక వార్త వైరల్ గా మారింది. ఇంతకీ ఆయనకు ఉన్న చివరి కోరిక ఏంటో ఇప్పుడు తెలుసుకుందాం. కైకాల సత్యనారాయణ (Kaikala Sathyanarayana) ఎన్టీఆర్, ఏఎన్నార్ కాలంలో దుర్యోధనుడు, రాముడు, దుశ్శాసనుడు వంటి పాత్రల్లో ఒదిగిపోయి నటించేవారు. అలాగే ఎన్టీఆర్,ఏఎన్నార్లతో కలిసి మల్టీ స్టారర్ సినిమాల్లో కైకాల సత్యనారాయణ నటించారు. అయితే ఈయనకు తర్వాత జనరేషన్ అయిన చిరంజీవి,బాలకృష్ణ (Balakrishna) లతో కలిసి ఒక మల్టీ స్టారర్ సినిమా తీయాలనే కోరిక బలంగా ఉండేదట.
కానీ ఆయన తన చివరి కోరిక తీరకుండానే కన్నుమూశారు. ఇక ఈ మధ్యకాలంలో పాన్ ఇండియా రేంజ్ లో రిలీజ్ అయిన ఆర్ఆర్ఆర్ సినిమా చూసి రామ్ చరణ్, జూనియర్ ఎన్టీఆర్ నటనకు ఫిదా అయ్యారట. అలాగే ఆయన కూడా చిరంజీవి (Chiranjeevi) ,బాలకృష్ణ కాంబినేషన్లో వచ్చిన మల్టీస్టారర్ సినిమాలో నటిస్తే బాగుండు అని ఆయన ఎప్పటినుండో అనుకున్నారట. కానీ ఆయనకు ఈ కోరిక తీరలేదు. ప్రస్తుతం ఈ విషయం తెలిసిన చాలామంది ఆయన అభిమానులు పాపం చివరి కోరిక తీరకుండానే మా అభిమాన నటుడు చనిపోయారా అంటూ వెక్కివెక్కి ఏడుస్తున్నారు.
