మీ మొబైల్ నంబర్ ఆధార్ కార్డు నంబర్ తో, ఈ-మెయిల్ ఐడీ లింక్ అయ్యాయా ? లేదా ? దీనిపై ఏమైనా డౌట్ ఉంటే చెక్ చేసుకునే అవకాశాన్ని భారతీయ విశిష్ట గుర్తింపు ప్రాధికార సంస్థ కల్పిస్తోంది.
మీరు UIDAI అధికారిక వెబ్‌సైట్(https://myaadhaar.uidai.gov.in/) లేదా mAadhaar యాప్ లోకి వెళ్లి ‘వేరిఫై ఈమెయిల్/ మొబైల్ నంబర్ అనే పేరుతో కలిగిన ఫీచర్ ద్వారా ఆధార్ తో మొబైల్ నంబర్, ఈ-మెయిల్ ఐడీ లింక్ అయ్యాయా ? లేదా ? అనేది మనం తెలుసుకోవచ్చు.
ఒకవేళ మీ మొబైల్ నంబర్ ఇప్పటికే ఆధార్ నంబర్ తో లింగ్ అయి ఉంటే UIDAI వెబ్‌సైట్ స్క్రీన్‌పై.. మీరు నమోదు చేసిన మొబైల్ నంబర్ ఇప్పటికే మా రికార్డ్‌లతో ధృవీకరించబడింది అనే మెసేజ్ స్క్రీన్ పై డిస్ ప్లే అవుతుంది. ఒకవేళ ఆ మొబైల్ నంబర్, ఈమెయిల్ ఐడీలు మీ ఆధార్ కు లింక్ చేసి లేకుంటే.. వాటిని లింక్ చేయడానికి ఏం చేయాలి అనేది కూడా తెలియపరుస్తుంది. ఈమేరకు కేంద్ర ఎలక్ట్రానిక్స్, ఐటీ మంత్రిత్వ శాఖ ఓ ప్రకటనను విడుదల చేసింది.
ఒకవేళ ఫోన్ నంబర్ గుర్తుకు రాకపోతే.. మై ఆధార్ పోర్టల్ లేదా mAadhaar యాప్‌లోని వేరిఫై ఆధార్ ఫీచర్ లోకి వెళ్లి ఆధార్ రిజిస్ట్రేషన్ సమయంలో ఇచ్చిన మొబైల్ నంబర్ లోని చివరి మూడు అంకెలను ఎంటర్ చేస్తే చాలు. ఇప్పటివరకు ఆధార్ తో మొబైల్ నంబర్ లింక్ అయి లేకుంటే సమీపంలోని ఆధార్ కేంద్రాన్ని సందర్శించవచ్చు.
