ఆక్రమిత దక్షిణ ఉక్రెయిన్‌లో బలగాల కమాండ్‌లో ఉన్న ఒక సీనియర్ రష్యన్ జనరల్ ఇవాన్ పోపోవ్ ను రష్యా తొలగించింది. మాస్కో రక్షణ మంత్రిత్వ శాఖ నాయకత్వం తగినంత మద్దతు ఇవ్వకుండా తన దళాలకు ద్రోహం చేసిందని జనరల్ ఆరోపించడంతో ఈ చర్య తీసుకుంది.
జనరల్ ఇవాన్ పోపోవ్ 58వ కంబైన్డ్ ఆర్మ్స్ ఆర్మీకి కమాండర్‌గా ఉన్నారు. వీరు జపోరిజ్జియా ప్రాంతంలో భారీ యుద్ధం చేస్తున్నారు. ఇవాన్ పోపోవ్ అత్యంత సీనియర్ అధికారులలో ఒకడు.
అప్పట్లో ఇవాన్ పోపోవ్ బృందం దాడులు చేయడానికి మందుగుండ కొరత ఏర్పడింది. ఇదే విషయాన్ని ఉన్నతాధికారుల వద్ద ప్రస్తావించారు. కౌంటర్-బ్యాటరీ పోరాటం లేకపోవడం, ఫిరంగి నిఘా స్టేషన్లు లేకపోవడం, శత్రు ఫిరంగిదళాల నుంచి మా సోదరుల సామూహిక మరణాలు, గాయాలకు గురించి తాను ప్రశ్నలు లేవనెత్తినట్లు పోపోవ్ చెప్పాడు. “నేను అనేక ఇతర సమస్యలను కూడా లేవనెత్తాను. అన్నింటినీ అత్యున్నత స్థాయిలో స్పష్టంగా, చాలా కఠినంగా వ్యక్తం చేసాను” అని పోపోవ్ ఆడియో సందేశంలో పేర్కొన్నాడు.
“నాకు అబద్ధం చెప్పే హక్కు లేదు, అందువల్ల, పోరాట పని, మద్దతు పరంగా సైన్యంలో ఈ రోజు ఉన్న అన్ని సమస్యాత్మక సమస్యలను నేను వివరించాను” అని పోపోవ్ అన్నారు. రక్షణ మంత్రి సెర్గీ షోయిగు “ఆర్డర్‌పై సంతకం చేసి నన్ను వదిలించుకున్నారు” అని జనరల్ కూడా రికార్డింగ్‌లో చెప్పాడు, అతను క్రెమ్లిన్ ఉన్నత అధికారిని దేశద్రోహానికి పాల్పడ్డాడని ఆరోపించారు. ఇవాన్ పోపోవ్ బృందంలో భారీ సంఖ్యలో సైనికులు మృతిచెందారు. “ఈ రోజు డివిజనల్ రెజిమెంట్ల చాలా మంది కమాండర్లు చెప్పినట్లుగా, ఉక్రెయిన్ సాయుధ దళాల సైనికులు మా సైన్యాన్ని ముందు నుండి ఛేదించలేరు” అని ఇవాన్ పోపోవ్ చెప్పారు.
రష్యా లెఫ్టినెంట్ జనరల్ ఒలేగ్ యూరివిచ్ ను ఉక్రెయిన్ దళాలు అంతమొందించాయి. త్సోకోవ్ బెర్డియాన్స్క్ నగరంలో ఉక్రెయిన్ దళాలు రాత్రిపూట మెరుపు దాడి చేశారు. ఈ దాడిలో ఒలేగ్ యూరివిచ్ మరణించారు. రష్యా ఆక్రమిత పట్టణంలో రష్యన్ సైనిక నాయకత్వం వహించే చాలా మంది కమాండర్లు “డునా హోటల్” లో ఉంటున్నారు. దీంతో ఉక్రెయిన్ దాళలు డునా హోటల్ టార్గెట్ గా దాడులు చేశారు. ఉక్రెయిన్ దాడిలో డునా హోటల్ ధ్వంసమైంది. ఈ దాడికి ఉక్రెయిన్ దాళలు క్షిపణిలు వాడారు.
