ఎన్నాళ్ళో వేచిన ఉదయం.. ఈరోజే ఎదురయ్యింది అని బన్నీ ఫ్యాన్స్ ఓ సాంగ్ వేసుకుంటున్నారు. ఎన్నేళ్లు.. పుష్ప వచ్చి ఏడాది దాటిపోయింది. ఇప్పటివరకు బన్నీ వెండితెరపై కనిపించింది లేదు. పుష్ప 2 కోసం అభిమానులు వేయికళ్లతో ఎదురుచూస్తున్నారు. సుకుమార్ దర్శకత్వంలో అల్లు అర్జున్, రష్మిక జంటగా నటించిన చిత్రం పుష్ప ది రైజ్. 2021 డిసెంబర్ లో రిలీజ్ అయిన ఈ సినిమా ప్రేక్షకులను విశేషంగా ఆకట్టుకోవడమే కాకుండా స్టైలిష్ స్టార్ గా ఉన్న అల్లు అర్జున్ ను ఐకాన్ స్టార్ గా చేసింది. ఇక ఈ సినిమా తరువాత దానికి సీక్వెల్ గా వస్తున్న చిత్రం పుష్ప ది రూల్. హై వోల్టేజ్ యాక్షన్ డ్రామాగా ఈ సినిమాను తెరకెక్కిస్తున్నాడు సుకుమార్. ప్రస్తుతం శరవేగంగా ఈ సినిమా షూటింగ్ జరుగుతోంది. ఇక సినిమా సెట్స్ మీదకు వెళ్లినప్పటి నుంచి ఇప్పటివరకు ఒక్క అప్డేట్ ఇచ్చినవారు లేరు. మైత్రి మూవీ మేకర్స్ ను పుష్ప 2 అప్డేట్ ఇవ్వమని అడగడమే కానీ.. వారు స్పందించింది లేదు.
ఇక తాజాగా అభిమానులకు ఒక సర్ ప్రైజ్ ఇచ్చేశారు. ఏప్రిల్ 8 న అల్లు అర్జున్ బర్త్ డే సందర్భంగా పుష్ప 2 నుంచి అప్డేట్ రానుందని మేకర్స్ ప్రకటించారు. ఏప్రిల్ 5 అనగా రేపు ఉదయం 11 గంటలకు అప్డేట్ ఇవ్వనున్నట్లు మేకర్స్ తెలిపారు. ఆ అప్డేట్ ఏంటి అనేది మాత్రం రివీల్ చేయలేదు. అయితే అందుతున్న సమాచారం ప్రకారం బన్నీ బర్త్ డే ఒక సరికొత్త టీజర్ ను రెడీ చేస్తున్నారట. సరికొత్త కాన్సెప్ట్ తో ఈ టీజర్ ఉందనున్నదని టాక్. ఆ విషయాన్ని రేంజు మేకర్స్ అధికారికంగా ప్రకటించనున్నారని అంటున్నారు. మరి ఇందులో నిజం ఎంత అనేది తెలియాల్సి ఉంది. ఇక అప్డేట్ ఏదైనా కానీ, రావడం ఆలస్యం.. రచ్చ చేయడానికి రెడీ గా ఉన్నామని అంటున్నారు బన్నీ ఫ్యాన్స్. మరి రేపు ఏ అప్డేట్ ఇవ్వనున్నారో చూడాలి
