ఆస్కార్ వేడుకలకు ఇంకో రెండు రోజులు మాత్రమే సమయం ఉంది. ప్రస్తుతం ఇండియా మొత్తం ఆస్కార్, ఆర్ఆర్ఆర్ అంటూ జపం చేస్తుంది. ఒక్కసారి ఆస్కార్ కనుక ఇండియా అందుకుంది అంటే ఇండియన్ సినిమా రేంజ్ ఎక్కడికో వెళ్ళిపోతోంది. అందుకే ఈ అవార్డు కోసం ప్రతి ఇండియన్ ఎంతగానో ఎదురుచూస్తున్నారు. ఇక ఆర్ఆర్ఆర్ చిత్ర బృందం ఇప్పటికే అమెరికా చేరుకొని ప్రమోషన్స్ మొదలుపెట్టేసారు. మొదట వెళ్లిన చరణ్ కొన్ని ఇంటర్వ్యూలు కవర్ చేయగా.. ఈ మధ్యనే వెళ్లిన తారక్ మరిన్ని ఇంటర్వ్యూలు కవర్ చేస్తున్నాడు. సినిమా గురించి, ఇండియా గురించి అద్భుతంగా చెప్పుకొస్తూ ఇద్దరు హీరోలు ఇండియా పేరును విదేశాల్లో మారుమ్రోగిపోయేలా చేస్తున్నారు. ఇక తాజగా ఎన్టీఆర్ ఆస్కార్ రెడ్ కార్పెట్ పై నడవడం ఎలా అనిపిస్తుంది న్నా ప్రశ్నకు మంచి సమాధానం ఇచ్చి అభిమానుల ప్రశంసలు అందుకుంటున్నాడు.
తాజాగా కేటీఎల్ఏ అనే ఒక సంస్థకు ఇంటర్వ్యూ ఇచ్చిన ఎన్టీఆర్ మాట్లాడుతూ ” నేను ఒక నటుడిగానో, ఆర్ఆర్ఆర్ సినిమాలో నటించిన యాక్టర్ గానో రెడ్ కార్పెట్ మీద నడవను. ఇండియన్ సినిమా నటుడిగా కాకుండా.. ఒక ఇండియన్ గా రెడ్ కార్పెట్ మీద నడుస్తా. మా జాతి మొత్తాన్ని నా గుండెల్లో మోసుకుని రెడ్ కార్పెట్ మీద మొత్తం నడవబోతున్నాం. అందుకోసం ఎంతో ఆసక్తిగా ఎదురుచూస్తున్నాం” అని చెప్పుకొచ్చాడు. ప్రస్తుతం ఈ వ్యాఖ్యలు నెట్టినంత వైరల్ గా మారాయి. ఇక ఆర్ఆర్ఆర్ సినిమాలోని నాటు నాటు సాంగ్ ఆస్కార్ నామినేషన్ లో ఉన్న విషయం తెల్సిందే. మరి ఈ ఆస్కార్ లో మన తెలుగోడి సత్తా ఎలా ఉండనుందో చూడాలంటే మరో రెండు రోజులు ఆగాల్సిందే.
